Постановление МК РБ 45 29.08.2014 Аб зацвярджэнні праекта зон аховы гісторыка-культурнай каштоўнасці - "Будынак кінастудыі "Беларусьфільм" (1960 г.) па пр. Незалежнасці, 98 у г. Мінску"
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ жніўня 2014 г. № 45Аб зацвярджэнні праекта зон аховы гісторыка-культурнай каштоўнасці – «Будынак кінастудыі «Беларусьфільм» (1960 г.) па пр. Незалежнасці, 98 у г. Мінску»
На падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» Міністэрства культуры Рэспублікі Беларусь ПАСТАНАЎЛЯЕ:
Зацвердзіць прыкладзены праект зон аховы гісторыка-культурнай каштоўнасці – «Будынак кінастудыі «Беларусьфільм» (1960 г.) па пр. Незалежнасці, 98 у г. Мінску».
Міністр Б.У.Святлоў
ЗАЦВЕРДЖАНА
Пастанова
Міністэрства культуры
Рэспублікі Беларусь.08.2014 № 45
Праект зон аховы гісторыка-культурнай каштоўнасці – «Будынак кінастудыі «Беларусьфільм» (1960 г.) па пр. Незалежнасці, 98 у г. Мінску»
ГЛАВА 1
АГУЛЬНЫЯ ПАЛАЖЭННI
1. Праект зон аховы гiсторыка-культурнай каштоўнасцi – «Будынак кінастудыі «Беларусьфільм» (1960 г.) па пр. Незалежнасці, 98 у г. Мінску» (далей – праект зон аховы) распрацаваны на падставе часткi першай пункта 2 артыкула 29 Закона Рэспублiкi Беларусь ад 9 студзеня 2006 года «Аб ахове гiсторыка-культурнай спадчыны Рэспублiкi Беларусь» (Национальный реестр правовых актов Республики Беларусь, 2006 г., № 9, 2/1195).
2. Будынак кінастудыі «Беларусьфільм» (1960 г.) па пр. Незалежнасці, 98 у г. Мінску з’яўляецца нерухомай матэрыяльнай гiсторыка-культурнай каштоўнасцю катэгорыi «3», якая ўнесена ў Дзяржаўны спiс гiсторыка-культурных каштоўнасцей Рэспублiкi Беларусь пад шыфрам 713Г000203 у адпаведнасцi з пастановай Савета Мiнiстраў Рэспублiкi Беларусь ад 14 мая 2007 г. № 578 «Аб статусе гiсторыка-культурных каштоўнасцей» (Национальный реестр правовых актов Республики Беларусь, 2007 г., № 119, 5/25167).
3. Праект зон аховы распрацаваны індывідуальным прадпрымальнікам Гліннікам Вадзімам Васільевічам па заказе ўнітарнага прадпрыемства «Мінскграда».
4. Праект зон аховы распрацаваны з мэтай забеспячэння аховы гiсторыка-культурнай каштоўнасцi i яе навакольнага асяроддзя, заключаецца ў вызначэннi межаў зон аховы i ўсталяванні рэжымаў іх утрымання і выкарыстання.
5. Праект зон аховы распрацаваны на падставе гісторыка-архіўных, бібліяграфічных і натурных даследаванняў, аналізу наяўнай горадабудаўнічнай сітуацыі і ландшафту.
6. Праектам зон аховы ўстаноўлены наступныя зоны аховы гісторыка-культурнай каштоўнасці: ахоўная зона, зона рэгулявання забудовы.
Схема зон аховы дадаецца.
ГЛАВА 2
АХОЎНАЯ ЗОНА
7. Ахоўная зона ўстаноўлена зыходзячы з неабходнасці фізічнага захавання гісторыка-культурнай каштоўнасці, забеспячэння яе мэтазгоднага выкарыстання і стварэння спрыяльных умоў для візуальнага ўспрымання гісторыка-культурнай каштоўнасці. Плошча ахоўнай зоны складае 1,2 га.
8. Межамі ахоўнай зоны з’яўляюцца:
на поўначы – лінія, якая ідзе ў створы з паўночнымі фасадамі будынкаў па пр. Незалежнасці, 94 і 100;
на захадзе – лінія, якая ідзе ў створы з ўсходнім і паўднёвым фасадамі будынка па пр. Незалежнасці, 96 да агароджы тэрыторыі кінастудыі «Беларусьфільм» (далей – кінастудыя), далей лінія, якая ідзе па бартавым камені заходняга боку мясцовага праезда;
на поўдні – лінія, якая ідзе ў створы з паўднёвым фасадам будынка кінастудыі;
на ўсходзе – лінія, якая ідзе па бартавым камені ўсходняга боку мясцовага праезда да агароджы кінастудыі, далей лінія, якая ідзе ў створы з паўднёвым і заходнім фасадамі будынка па пр. Незалежнасці, 100.
9. На тэрыторыі ахоўнай зоны забараняецца будаўніцтва будынкаў і збудаванняў.
10. На тэрыторыі ахоўнай зоны дазваляецца:
добраўпарадкаванне тэрыторыі ў адпаведнасці з яе гістарычным характарам;
пракладка неабходных інжынерных камунікацый.
11. На тэрыторыі ахоўнай зоны рэкамендуецца аднаўленне гістарычнага добраўпарадкавання курданёра перад галоўным фасадам гісторыка-культурнай каштоўнасці.
ГЛАВА 3
ЗОНА РЭГУЛЯВАННЯ ЗАБУДОВЫ
12. Зона рэгулявання забудовы ўстаноўлена з мэтай рэгламентавання маштабу новага будаўніцтва і рэканструкцыі існуючай забудовы на тэрыторыях, прылеглых да гісторыка-культурнай каштоўнасці.
Плошча зоны рэгулявання забудовы складае 7,0 га.
13. Межамі зоны рэгулявання забудовы з’яўляюцца:
на поўначы – лінія, якая ідзе па чырвонай лініі пр. Незалежнасці;
на ўсходзе – лінія, якая ідзе па бартавым камені ўсходняга боку мясцовага праезда, далей лінія, якая ідзе па агароджы тэрыторыі кінастудыі;
на поўдні – лінія, якая ідзе па бартавым камені паўночнага боку праектуемай вуліцы;
на захадзе – лінія, якая ідзе па чырвонай лініі вул. Макаёнка.
14. На тэрыторыі зоны рэгулявання забудовы забараняецца:
будаўніцтва будынкаў і збудаванняў вышэй за пяць паверхаў;
размяшчэнне прамысловых прадпрыемстваў, камунальных і складскіх аб’ектаў, іншых збудаванняў, якія небяспечныя ў пажарным і выбуховым плане, забруджваюць паветраны і водны басейны, выклікаюць значныя транспартныя і грузавыя патокі.
15. На тэрыторыі зоны рэгулявання забудовы дазваляецца:
рамонт, рэстаўрацыя гістарычна каштоўнай забудовы 1950-х гадоў;
дэмантаж або рамонт, рэканструкцыя нейтральнай забудовы з павелічэннем павярховасці да пяці паверхаў;
пракладка неабходных інжынерных камунікацый;
добраўпарадкаванне тэрыторыі. Дадатак
да праекта зон аховы гісторыка-культурнай
каштоўнасці – «Будынак кінастудыі «Беларусьфільм»
(1960 г.) па пр. Незалежнасці, 98 у г. Мінску»
Схемы межаў і рэжымаў утрымання зон аховы гісторыка-культурнай каштоўнасці – «Будынак кінастудыі «Беларусьфільм» (1960 г.) па пр. Незалежнасці, 98 у г. Мінску»
Другие НПА
Постановление Минтранс РБ №33 от 29.09.2014 Об утверждении Типовой инструкции по охране труда при выполнении работ по снятию, установке и креплению тентов автомобилей и прицепов Постановление Минтранс РБ №38 от 14.10.2014 Об установлении формы паспорта маршрута перевозки пассажиров городским электрическим транспортом в регулярном сообщении Постановление Минтранс РБ №35 от 10.10.2014 Об утверждении Положения о рабочем времени и времени отдыха водителей троллейбусов и трамваев Постановление Минтранс РБ №36 от 10.10.2014 Об утверждении Положения о рабочем времени и времени отдыха машинистов электропоездов метрополитена Постановление Минтранс РБ №37 от 14.10.2014 Об утверждении Типового положения о контрольно-ревизорской службе на городском электрическом транспорте Постановление Минтранс РБ №42 от 10.12.2014 О выдаче в 2015 году разрешений на проезд автотранспортных средств иностранных государств по территории Республики Беларусь Постановление Минтранс РБ №43 от 18.12.2014 О внесении изменений в постановление Министерства транспорта и коммуникаций Республики Беларусь от 8 августа 2007 г. № 46 Постановление Минтранс РБ №45 от 19.12.2014 О регулировании цен на строительные материалы, изделия, конструкции, используемые при строительстве и содержании автомобильных дорог, мостов и тоннелей Постановление Минтранс РБ №4 от 12.02.2015 Об установлении формы карты дополнительной проверки транспортного средства Постановление Минтранс РБ №5 от 12.02.2015 О содержании дополнительной проверки транспортных средств, используемых для перевозки определенных опасных грузов