Постановление МК РБ 55 31.10.2014 Аб зацвярджэнні Інструкцыі аб парадку вядзення Дзяржаўнага рэестра кніжных помнікаў Рэспублікі Беларусь

ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ кастрычніка 2014 г. № 55

Аб зацвярджэнні Інструкцыі аб парадку вядзення Дзяржаўнага рэестра кніжных помнікаў Рэспублікі Беларусь

На падставе часткі другой артыкула 21 Закона Рэспублікі Беларусь ад 22 сакавіка 1995 года «Аб бібліятэчнай справе ў Рэспубліцы Беларусь» у рэдакцыі Закона Рэспублікі Беларусь ад 11 лістапада 2002 года Міністэрства культуры Рэспублікі Беларусь ПАСТАНАЎЛЯЕ:

1. Зацвердзіць прыкладзеную Інструкцыю аб парадку вядзення Дзяржаўнага рэестра кніжных помнікаў Рэспублікі Беларусь.

2. Дадзеная пастанова ўступае ў сілу пасля яе афіцыйнага апублікавання. Міністр Б.У.Святлоў

ЗАЦВЕРДЖАНА

Пастанова

Міністэрства культуры

Рэспублікі Беларусь.10.2014 № 55 ІНСТРУКЦЫЯ аб парадку вядзення Дзяржаўнага рэестра кніжных помнікаў Рэспублікі Беларусь

1. Дадзеная Iнструкцыя вызначае парадак вядзення Дзяржаўнага рэестра кніжных помнікаў Рэспублікі Беларусь (далей – Дзяржаўны рэестр).

2. У дадзенай Інструкцыі ўжываюцца асноўныя тэрміны ў значэннях, устаноўленых Законам Рэспублікі Беларусь ад 22 сакавіка 1995 года «Аб бібліятэчнай справе ў Рэспубліцы Беларусь» (Ведамасці Вярхоўнага Савета Рэспублікі Беларусь, 1995 г., № 20, ст. 238; Национальный реестр правовых актов Республики Беларусь, 2002 г., № 128, 2/896).

3. Дзяржаўны рэестр вядзецца ў мэтах уліку і сістэматызацыі звестак аб кніжных помніках, ідэнтыфікацыі і папулярызацыі кніжных помнікаў.

4. Дзяржаўны рэестр фарміруе і вядзе дзяржаўная ўстанова «Нацыянальная бібліятэка Беларусі» (далей – Нацыянальная бібліятэка Беларусі).

5. У Дзяржаўны рэестр уключаюцца звесткі аб кніжных помніках, якія знаходзяцца ў Бібліятэчным фондзе Рэспублікі Беларусь. Звесткі аб кніжных помніках, якія належаць юрыдычным або фізічным асобам на праве ўласнасці, іншай законнай падставе, уключаюцца ў Дзяржаўны рэестр са згоды гэтых асоб.

6. У мэтах вядзення Дзяржаўнага рэестра Нацыянальная бібліятэка Беларусі:

аказвае метадычную дапамогу па пытаннях аднясення рэдкіх ці каштоўных дакументаў да кніжных помнікаў і іншых пытаннях, звязаных з фарміраваннем і вядзеннем Дзяржаўнага рэестра;

забяспечвае ўключэнне звестак аб кніжных помніках у Дзяржаўны рэестр і іх актуалізацыю;

вырашае іншыя пытанні, звязаныя з фарміраваннем і вядзеннем Дзяржаўнага рэестра.

7. Дзяржаўны рэестр утрымлівае наступныя звесткі:

нумар, дату ўліковага запісу;

звесткі аб кніжным помніку;

звесткі аб уласніку (карыстальніку) кніжнага помніка.

8. Дзяржаўны рэестр вядзецца на электронным носьбіце на беларускай мове.

9. Звесткі, якія змяшчаюцца ў Дзяржаўным рэестры, з’яўляюцца адкрытымі, за выключэннем звестак, што падлягаюць абмежаванаму распаўсюджанню ў адпаведнасці з заканадаўствам.