Постановление МК РБ 66 28.11.2014 Аб зацвярджэнні праекта зон аховы гісторыка- культурнай каштоўнасці – «Брацкая магіла (1941, 1944 гады) у Камсамольскім скверы ў г. Бяроза Брэсцкай вобласці»

ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ

28 лістапада 2014 г. № 66

Аб зацвярджэнні праекта зон аховы гісторыка- культурнай каштоўнасці – «Брацкая магіла (1941, 1944 гады) у Камсамольскім скверы ў г. Бяроза Брэсцкай вобласці»

На падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» Міністэрства культуры Рэспублікі Беларусь ПАСТАНАЎЛЯЕ:

Зацвердзіць прыкладзены праект зон аховы гісторыка-культурнай каштоўнасці –

«Брацкая магіла (1941, 1944 гады) у Камсамольскім скверы ў г. Бяроза Брэсцкай вобласці».

Міністр Б.У.Святлоў

ЗАЦВЕРДЖАНА

Пастанова

Міністэрства культуры

Рэспублікі Беларусь

28.11.2014 № 66

Праект зон аховы гісторыка-культурнай каштоўнасці – «Брацкая магіла (1941, 1944 гады) у Камсамольскім скверы ў г. Бяроза Брэсцкай вобласці»

ГЛАВА 1

АГУЛЬНЫЯ ПАЛАЖЭННI

Праект зон аховы гісторыка-культурнай каштоўнасці – «Брацкая магіла (1941, 1944 гады) у Камсамольскім скверы ў г. Бяроза Брэсцкай вобласці» (далей – праект зон аховы) распрацаваны на падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» (Национальный реестр правовых актов Республики Беларусь, 2006 г., № 9, 2/1195).
Брацкая магіла ў Камсамольскім скверы ў г. Бяроза Брэсцкай вобласці (далей – брацкая магіла) з’яўляецца гісторыка-культурнай каштоўнасцю катэгорыі «3», якая ўнесена ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 113Д000134 у адпаведнасцi з пастановай Савета Мiнiстраў Рэспублiкi Беларусь ад 14 мая 2007 г. № 578 «Аб статусе гiсторыка-культурных каштоўнасцей» (Национальный реестр правовых актов Республики Беларусь, 2007 г., № 119, 5/25167).
Праект зон аховы распрацаваны ўнітарным вытворчым прадпрыемствам

«Бярозаўская жыллёва-камунальная гаспадарка».

Праект зон аховы распрацаваны з мэтай забеспячэння аховы гісторыка-культурнай каштоўнасці і яе навакольнага асяроддзя, заключаецца ў вызначэнні межаў зон аховы і ўсталяванні рэжымаў іх утрымання і выкарыстання.
Праект зон аховы распрацаваны на падставе гісторыка-архіўных, бібліяграфічных і натурных даследаванняў, аналізу існуючай горадабудаўнічай сітуацыі і ландшафту.
Праектам зон аховы ўстаноўлены наступныя зоны аховы гісторыка-культурнай каштоўнасці: ахоўная зона, зона аховы ландшафту.

Схема зон аховы дадаецца.

ГЛАВА 2

АХОЎНАЯ ЗОНА

Ахоўная зона ўстаноўлена зыходзячы з неабходнасці фізічнага захавання гісторыка-культурнай каштоўнасці і навакольнага асяроддзя, а таксама захавання ўмоў зрокавага ўспрымання гісторыка-культурнай каштоўнасці.

Плошча ахоўнай зоны складае 0,0382 га.

Мяжой тэрыторыі ахоўнай зоны з’яўляецца замкнёная лінія, якая ідзе па знешнім абрысе добраўпарадкавання вакол брацкай магілы.
На тэрыторыі ахоўнай зоны забараняецца: усталяванне буйнапамерных рэкламных канструкцый; будаўніцтва будынкаў і збудаванняў.
На тэрыторыі ахоўнай зоны дазваляецца:

правядзенне рамонтна-аднаўленчых работ на састаўных элементах гісторыка- культурнай каштоўнасці;

правядзенне работ па добраўпарадкаванні тэрыторыі; пракладка неабходных інжынерных камунікацый.

ГЛАВА 3

ЗОНА АХОВЫ ЛАНДШАФТУ

Зона аховы ландшафту ўстаноўлена зыходзячы з неабходнасці захавання прыроднага асяроддзя гісторыка-культурнай каштоўнасці, якое мае візуальную сувязь з гісторыка-культурнай каштоўнасцю.

Плошча зоны аховы ландшафту складае 0,865 га.

Мяжой зоны аховы ландшафту з’яўляецца лінія, якая пралягае па знешнім перыметры агароджы тэрыторыі Камсамольскага сквера ўздоўж вул. Савецкая, Чырвонаармейская, Кастрычніцкая і мясцовага праезду паміж вул. Савецкая і Кастрычніцкая.
На тэрыторыі зоны аховы ландшафту забараняюцца: будаўніцтва будынкаў і збудаванняў;

змена характару ландшафту; пракладка транспартных камунікацый.

На тэрыторыі зоны аховы ландшафту дазваляюцца:

добраўпарадкаванне і азеляненне, якое не скажае існуючы характар тэрыторыі; пракладка неабходных інжынерных камунікацый;

санітарная высечка зялёных насаджэнняў.

Дадатак

да праекта зон аховы гісторыка-

культурнай каштоўнасці –

«Брацкая магіла (1941, 1944 гады) у Камсамольскім скверы

ў г. Бяроза Брэсцкай вобласці»